Kaala  Tekile Jonba

                                                                                   Biirote Sooreessi Sokka

Sidaamu Daga Saadate noose baxillinna ayirinyi bayiiraho. Saadate noose baxillinni kainohunni oosotenni aanchite saadate keere (Ooso saada keereho!) xa'miatanno. Ikkolla ikkinnina sidaamu daga saadate jironni afi’ra hasiisanno laalchonna horo afidhukkinni keeshshino. korkaatuno ceattonke akati baadilichonna yannaniha ikka hooga, Saadate sirchi woyyaawa hooga, ikkadonna taaltino sagale hooganna Saadate xibbi qara  qara korkaatubbaati. Sidaamu Qoqqowo ikke tantanami kawa Qoqqowu mootimma daganke anga amadde keeshshite kayiinni horonsidhukkinni keeshshitino jironni horo afira hasiissanno yite ,handaaraho uytino illachi kaajjado ikkasinni, daganke Saadate ceattora uytanno illachinna Saadanna Saadate laalchi kalqete deerrinni hasatto lexxanni daasinni qoqqowinkera Saadate jiro handaari latishshi gumaamimma  lowo geeshsha lexxitanni daggino.Illete leellino gumino maareka dandiinoonni. Saadate jiro latishshi horonsi’noommokki jiro ikkasinni, tenne jiro yannate ogimma horonsi'ne loosa dandiinummoro adote,buurunni,maalu malawunni,quuphu Lukkuwunni,Haarre qulixumunni latino sidaama la'a muleeti. Konnira lamu diri giddo dayiino gumi naqaashete. konni daafira daganke Saada su’maho calla ikkikkinni woyyaawino laalcho  afi’rate,miniranna kokkote calla ikkikinni dikkotenna eote  cea hasiisanno. Konnira ogeeyyete amaale maciishsha,adhe loosa,saadate sircho woyyeessa, saadate sagale latisanna garunni mareekka, hattono yannate hayyonni ceanna saadate keeranchimma agara sidaamu baxxanno saadanni horameessa assitanno daafira yannate hayyonni ce'no yitanno kaajjado sokka nooe.

Saadate Jironke Lophonkera!!