Sidamu Dagoomu Qoqqowi  Motimma  Sadate Jiro Latishshi Biiro Loonsanni  hee’noonni  lossa  laisse xawishsha  Uytu.

Ammajje  22/2016 M. D Sid/Dago/Qoq/Mot/Saadate  Latishshi  Biiro, Hawassa.

Biirote Sooreessi  Kalaa Tekile Jonbihu Daganke Lamalanta Sadate saadate jiro  paakeeje horoonsidhe umhunni  sagaletetenni umo danda,  sa’eno  Minjuni  woyaabe, buxmatenni  fultanno gede  illachinshe loonsanni hee’noonnita laiseeti.

Saadate Jiro Latishshi Lossa 2014 M. D  kayinse  qoqqowu mootimma  baxxino illacha tuggeenna loonsoonhunni dagankr shiima baattonni jawa guma afidhanno gede  assatenni heeshshonsa woyyesate aana he’noonni yiino.

Xaa yannara 7 Saadate Jiro Latishshi paakeeje  yaano adote saada,qulxu’mete jiro ,  haarete damulcho, Gerewu, lukkuwu  , Diidu hattonno  Maalu Saada latishshi, qixxeessinne loonsanni hee’noonnita xawisino.

Lamalante saadate latishshi paakeeje  lainse dagate hedo cu'mishiinshe, wedellahono loosu kaayyo kalaqate  150 kume sircho woyyaabbino  saadate mixo amande 97 kume  saada 6 agani giddo  sircho woyyabbino saada afira dandiinoonni yiino.

Adote saada latishshi woyyaawanni daayinno . konneno baadi saada guma woyyeessanna wole sirchu saada guminni daganke duucha woraddara horameeyye ikkitanni afantannotano laede xawisino.

Sai diri jeefishshinni 4 miloone lukkuwa woyyawino sirchi tayixeno  8,000,000 (8 miloone) mixi'ne 6 agani jeefishshinni 5 miloone lukkuwa jeefinsoonni yiino.

Diidu Jiro Ceanora 15 Warda bande Sidamu Qoqowo malawni egenaminoha assate 50 kume kosho diida ceanno  dagara tuqisate mixi’noonniu giddo xaa geisha  33 kume geefinsoonita xawisinno.

Daga gatensa waa koffe qulxu’me ceatenni horaameeyye ikkitann gede 14 woraddara loonsanni hee’noonni tanno sooreessu qummi assinno.

Woyyawinoha gereewu sircho shiqishatenni mitte gerecho mitte hinge lame dirunni lame hinge yaano shoole qaltanno sircho batisatete looso loonsoonni.  

Adote qachano bande illachinshe loosatenni  maawarra uurinseenna kaajiishshate looso loonsanni hee’noonta xawissinno.